ప్రజా సేవలో 38వ డివిజన్ కార్పొరేటర్ నేలకంటి రాము.. ఎస్ఐఆర్ సమీక్షతో పాటు అంగన్వాడీ కేంద్రం తనిఖీ
ఇది మన హక్కు రామగుండం మండల్ రిపోర్టర్✍️
ప్రజాసేవలో 38వ డివిజన్ కార్పొరేటర్ నేలకంటి రాము.. ఎస్ఐఆర్ సమీక్షతో పాటు అంగన్వాడీ కేంద్రం తనిఖీ
రామగుండం, జూలై 10 (ఇది మన హక్కు):
రామగుండం ఎమ్మెల్యే మక్కన్ సింగ్ రాజ్ ఠాకూర్ ఆదేశాల మేరకు 38వ డివిజన్ కార్పొరేటర్ నేలకంటి రాము డివిజన్లో ఎస్ఐఆర్ (SIR) కార్యక్రమ పురోగతిపై బీఎల్ఓలు, బీఎల్ఏలతో సమీక్షా సమావేశం నిర్వహించారు. ఇంటింటి సర్వే, ఓటర్ల వివరాల ధృవీకరణను నిర్ణీత గడువులోగా పారదర్శకంగా పూర్తి చేసి, ప్రజలకు ఎలాంటి ఇబ్బందులు కలగకుండా కార్యక్రమాన్ని విజయవంతం చేయాలని సంబంధిత అధికారులకు సూచించారు.
అనంతరం డివిజన్ పరిధిలోని అంగన్వాడీ కేంద్రాన్ని సందర్శించిన కార్పొరేటర్, చిన్నారులకు అందిస్తున్న పోషకాహారం నాణ్యతను స్వయంగా పరిశీలించి, వారికి వడ్డిస్తున్న భోజనాన్ని రుచి చూసి నాణ్యతను నిర్ధారించారు. చిన్నారులకు పరిశుభ్రమైన, నాణ్యమైన ఆహారం నిరంతరం అందేలా అంగన్వాడీ సిబ్బంది ప్రత్యేక శ్రద్ధ తీసుకోవాలని సూచించారు.
ఈ కార్యక్రమాల్లో అంగన్వాడీ టీచర్లు, సహాయకురాలు, వార్డ్ ఆఫీసర్ సాయి, పసరగొండ రాంకీ, వెంకటేష్, బీఎల్ఓలు, బీఎల్ఏలు తదితరులు పాల్గొన్నారు.
కామెంట్లు