మాదకద్రవ్యాల నిర్మూలనకు ప్రతి ఒక్కరూ సహకరించాలి యువత భవిష్యత్తును కాపాడేందుకు డ్రగ్స్ వ్యతిరేక ప్రచారం గోదావరిఖని, నవంబర్ 4 (ఇది మన హక్కు): యువత భవిష్యత్తును అంధకారం చేస్తున్న మాదకద్రవ్యాల మహమ్మారిని అరికట్టేందుకు ప్రతి ఒక్కరూ సామాజిక బాధ్యతతో ముందుకు రావాలని జమాతె ఇస్లామీ హింద్ నాయకులు పిలుపునిచ్చారు. గోదావరిఖని TGS RTC బస్ డిపో పరిధిలో నిర్వహించిన మాదకద్రవ్యాల వ్యతిరేక అవగాహన ప్రచార కార్యక్రమంలో భాగంగా ప్రజలకు, యువతకు డ్రగ్స్ వల్ల కలిగే అనర్థాలను వివరించి, వాటికి దూరంగా ఉండాలని అవగాహన కల్పించారు. ఈ కార్యక్రమంలో దీపిక ఫౌండేషన్ కన్వీనర్, జూలపల్లి–రామగుండం మండల ఇన్‌చార్జి భాగ్యలక్ష్మి, నుస్రత్ ఖానం, సబీరా నాజ్ – అధ్యక్షురాలు, ఆయిషా సిద్ధిఖా – మోడరేటర్, ఖాజీ మొహమ్మద్ ఇస్మాయిల్ నిజామీ – ఉపాధ్యక్షులు, జమాతె ఇస్లామీ హింద్; రామగుండం కార్పొరేషన్ మరియు మండల ఇన్‌చార్జి తదితరులు పాల్గొన్నారు. మత్తు పదార్థాలకు బానిసలై యువత తమ విలువైన జీవితాలను నాశనం చేసుకోవద్దని, తల్లిదండ్రులు తమ పిల్లల ప్రవర్తనపై ప్రత్యేక శ్రద్ధ వహించాలని, డ్రగ్స్ రహిత సమాజ నిర్మాణానికి ప్రతి ఒక్కరూ కృషి చేయాలని నాయకులు కోరారు. ...

  రూ.100 కోట్లతో ఎనిమిది ఉపరితల జలాశయాలు, కొత్త పైప్‌లైన్ల నిర్మాణం.. నర్సింగ్ కళాశాల ఆవరణలో రూ.2 కోట్లతో జలాశయానికి భూమిపూజ రామగుండం (ఇది మన హక్కు): రామగుండం నగరంలో నీటి పంపిణీ వ్యవస్థను మెరుగుపరిచి ప్రజలకు 24/7 తాగునీటి సరఫరా అందించేందుకు ప్రణాళికాబద్ధంగా కృషి చేస్తున్నామని నగర మేయర్ మహంకాళి స్వామి తెలిపారు. నగరంలో తాగునీటి సరఫరా వ్యవస్థను పటిష్టం చేసేందుకు ఎమ్మెల్యే ఎం.ఎస్. రాజ్ ఠాకూర్ సుమారు రూ.100 కోట్ల నిధులు మంజూరు చేయించారని పేర్కొన్నారు. రామగుండం నగరపాలక సంస్థ 11వ డివిజన్ పరిధిలోని నిర్మాణంలో ఉన్న నర్సింగ్ కళాశాల ఆవరణలో ఉపరితల జలాశయ నిర్మాణ పనులకు మంగళవారం స్థానిక కార్పొరేటర్ కారెంగుల రమ్య ఆధ్వర్యంలో భూమిపూజ నిర్వహించారు. ఈ సందర్భంగా మేయర్ మాట్లాడుతూ నగరపాలక సంస్థ పరిధిలో ఎనిమిది ఉపరితల జలాశయాలు, కొత్త పైప్‌లైన్ల నిర్మాణ పనులు చేపడుతున్నట్లు తెలిపారు. నర్సింగ్ కళాశాల ఆవరణలో సుమారు రూ.2 కోట్ల అంచనా వ్యయంతో నిర్మించనున్న ఉపరితల జలాశయం ఎనిమిది లక్షల లీటర్ల సామర్థ్యంతో ఉంటుందని, సుమారు పది వేల మంది జనాభా అవసరాలను తీర్చగలదని చెప్పారు. నిర్మాణ పనులను ఏడాది లోగా పూర్తి చేయాలని లక...

ప్రజావాణి కార్యక్రమంలో ప్రజలు సమర్పించే దరఖాస్తులకు అత్యంత ప్రాధాన్యతనిస్తూ, వాటిని పెండింగ్‌లో ఉంచకుండా సత్వరమే పరిష్కరించాలని జిల్లా కలెక్టర్ కోయ శ్రీహర్ష సంబంధిత అధికారులను ఆదేశించారు.  పెద్దపల్లి, నవంబర్ 02 (ఇది మన హక్కు): సోమవారం పెద్దపల్లి కలెక్టరేట్ సమావేశ మందిరంలో అదనపు కలెక్టర్ బి. శ్రీరాములుతో కలిసి నిర్వహించిన ప్రజావాణి కార్యక్రమంలో కలెక్టర్ ప్రజల నుంచి వివిధ సమస్యలపై దరఖాస్తులను స్వీకరించారు. ప్రతి అర్జీని క్షుణ్ణంగా పరిశీలించి, నిబంధనల ప్రకారం పరిష్కారానికి చర్యలు తీసుకోవాలని అధికారులకు సూచించారు. ఈ సందర్భంగా ధర్మారం మండలం కొత్తూరు గ్రామానికి చెందిన జోగుల లచ్చయ్య సర్వే నంబర్ 429లో ఉన్న ఏడు గుంటల భూమికి పట్టాదారు హక్కులు కల్పించాలని కోరుతూ దరఖాస్తు సమర్పించారు. దీనిపై ధర్మారం తహసీల్దార్‌కు ఆదేశాలు జారీ చేస్తూ అవసరమైన చర్యలు తీసుకోవాలని కలెక్టర్ సూచించారు. శ్రీరాంపూర్ మండలం తారుపల్లి గ్రామానికి చెందిన జాసోదపు లక్ష్మి తమది నిరుపేద కుటుంబమని, ఇందిరమ్మ ఇల్లు మంజూరు చేయాలని కోరగా, ఈ దరఖాస్తును పరిశీలించి చర్యలు తీసుకోవాలని పీడీ హౌసింగ్‌కు సూచించారు. మంథని మండలం నాగారం గ్రామా...

 సహజ ప్రసవంలో 4.40 కిలోల మగ శిశువు చౌటుప్పల్‌, నవంబర్ 2(ఇది మన హక్కు): చౌటుప్పల్‌లోని ప్రభుత్వ ఆసుపత్రిలో వైద్యులు శుక్రవారం అరుదైన సహజ ప్రసవంలో 4.40 కిలోల మగ శిశువుకు పురుడు పోసినట్లు జిల్లా ఆసుపత్రుల సమన్వయాధికారి డా.సూర్యశ్రీరావు తెలిపారు. కొయ్యలగూడెం గ్రామానికి చెందిన పల్రెడ్డి హేమ(25) గురువారం అర్ధరాత్రి 12.30కు పురిటి నొప్పులతో ఆసుపత్రికి వచ్చారని చెప్పారు. ఆమెకు ఆసుపత్రిలో విధుల్లో ఉన్న వైద్యాధికారి డా.అవినాశ్, పీడియాట్రీషియన్లు డా.కావేరి, డా.అజీమా, నర్సింగ్ ఆఫీసర్లు శారద, ధనమ్మ, నాగవరదాయినులు రాత్రి 1.42 గంటలకు సహజ ప్రసవం చేశారని వెల్లడించారు. చౌటుప్పల్‌లోని ప్రభుత్వ ఆసుపత్రిలో ప్రతినేలా ఆమె ఆరోగ్య పరీక్షలు చేయించుకున్నారని, ఆసుపత్రిలో గైనకాలజిస్టు, యోగా మాస్టర్, యునాని వైద్యురాలు, ఫిజియోథెరపిస్టుల సూచనలు పాటించి యోగా సనాలు, వ్యాయమాలు చేసినందుకు గర్భంలో 4.40 కిలోల శిశువున్నా సహజ ప్రసవం అయిందని వివరించారు. ఈ కాలంలో అంత పెద్ద శిశువుకు సహజ ప్రసవం అయ్యేందుకు ఆమె శరీరం, ప్రకృతి కూడా సహకరించిందని తెలిపారు. ఆమెకిది రెండో కాన్పుని, తొలి కాన్పులోనూ 4 కిలోల బరువున్న శిశువుకు సహజ ప్రస...

  మార్కెట్‌లో జమాత్-ఎ-ఇస్లామీ హింద్ ఆధ్వర్యంలో అవగాహన ప్రచారం గోదావరిఖని: 8 ఇంక్లైన్ కాలనీ(ఇది మన హక్కు):మాదకద్రవ్యాల వినియోగం సమాజానికి పెనుముప్పుగా మారుతోందని, ముఖ్యంగా యువత మత్తు పదార్థాలకు బానిసై తమ బంగారు భవిష్యత్తును నాశనం చేసుకోవద్దని జమాత్-ఎ-ఇస్లామీ హింద్ గోదావరిఖని శాఖ నాయకులు పిలుపునిచ్చారు. డ్రగ్స్ రహిత సమాజ నిర్మాణమే లక్ష్యంగా సోమవారం 8 ఇంక్లైన్ కాలనీలోని సోమవారం మార్కెట్ ప్రాంతంలో మాదకద్రవ్యాల వ్యతిరేక అవగాహన ప్రచార కార్యక్రమం నిర్వహించారు. ఈ కార్యక్రమంలో జమాత్-ఎ-ఇస్లామీ హింద్ గోదావరిఖని అధ్యక్షులు సయ్యద్ జావిద్ అక్మల్ హుస్సేనీ, ఉపాధ్యక్షులు ఖాజీ మొహమ్మద్ ఇస్మాయిల్ నిజామీ పాల్గొని ప్రజలకు డ్రగ్స్ వల్ల కలిగే దుష్పరిణామాలను వివరించారు. ఈ సందర్భంగా వారు మాట్లాడుతూ మాదకద్రవ్యాల వినియోగం వ్యక్తి ఆరోగ్యానికే కాకుండా కుటుంబ వ్యవస్థకు, సమాజ భవిష్యత్తుకు తీవ్ర నష్టం కలిగిస్తుందని పేర్కొన్నారు. యువతను ఈ మహమ్మారి నుంచి కాపాడేందుకు తల్లిదండ్రులు, ఉపాధ్యాయులు, మేధావులు, ప్రజాప్రతినిధులు, స్వచ్ఛంద సంస్థలు సమష్టిగా కృషి చేయాలని కోరారు. ఈ ప్రచార కార్యక్రమంలో జమాత్ సభ్యులు రిజ్వాన్, ఖజ...

  యువత భవిష్యత్తును కాపాడేందుకు డ్రగ్స్ రహిత సమాజ నిర్మాణమే లక్ష్యం జమాఅతె ఇస్లామీ హింద్ గోదావరిఖని యూనిట్ నాయకుల పిలుపు గోదావరిఖని, నవంబర్ 1 (ఇది మన హక్కు): యువత భవిష్యత్తును నాశనం చేస్తున్న డ్రగ్స్, గంజాయి తదితర మత్తు పదార్థాల వినియోగాన్ని అరికట్టి, డ్రగ్స్ రహిత సమాజ నిర్మాణానికి ప్రతి ఒక్కరూ కృషి చేయాలని జమాఅతె ఇస్లామీ హింద్ (JIH) గోదావరిఖని యూనిట్ అధ్యక్షులు సయ్యద్ జావిద్ అక్మల్ హుస్సేని, ఉపాధ్యక్షులు ఖాజీ మహమ్మద్ ఇస్మాయిల్ నిజామీ పిలుపునిచ్చారు. జమాఅతె ఇస్లామీ హింద్ గోదావరిఖని యూనిట్ ఆధ్వర్యంలో అక్టోబర్ 31 నుంచి నవంబర్ 11 వరకు డ్రగ్స్ వ్యతిరేక అవగాహన ప్రచార కార్యక్రమాన్ని నిర్వహిస్తున్నట్లు వారు వెల్లడించారు. ఈ ప్రచారంలో భాగంగా శనివారం ఉదయం 11 గంటలకు గోదావరిఖని ప్రెస్ భవన్‌లో విలేకరుల సమావేశం నిర్వహించారు. అనంతరం న్యాయవాదులు, వైద్యులు, పాఠశాలల ప్రధానోపాధ్యాయులు, కళాశాలల ప్రిన్సిపాళ్లు, మేధావులతో ప్రత్యేక సమావేశం నిర్వహించి, మత్తు పదార్థాల నిర్మూలనకు తీసుకోవాల్సిన చర్యలపై చర్చించారు. డ్రగ్స్ అక్రమ విక్రయాలు, రవాణా, వినియోగాన్ని అరికట్టేందుకు పోలీస్ యంత్రాంగం, సంబంధిత ప్రభుత్వ శ...

  ఒకప్పుడు హోటల్‌లో టిఫిన్ చేసినా, భోజనం చేసినా అరటాకుల్లోనో, విస్తరాకుల్లోనో పెట్టి ఇచ్చేవారు. పార్సిల్ తీసుకున్నా వాటిలోనే కట్టేవారు. కానీ కాలక్రమేణా అరటాకుల స్థానంలోకి న్యూస్ పేపర్లు, పాంప్లేట్లు వచ్చిచేరాయి. చాలాకాలంగా టిఫిన్లను ప్లాస్టిక్ కవర్లలోనో, లేదంటే ప్రింట్ చేసిన పేపర్లలోనో చుట్టివ్వడాన్ని చూస్తున్నాం. గోదావరిఖని, అక్టోబర్ 30 (ఇది మన హక్కు):స్ట్రీట్ ఫుడ్ అమ్మేవారు, హోటల్స్, ఇతర ఆహారం అమ్మే వ్యాపారులకు భారత ఆహార భద్రత ప్రమాణాల సంస్థ (ఎఫ్ఎస్ఎస్ఏఐ) ఇటీవల ముఖ్యమైన సూచనలు జారీ చేసింది. బోండాలు, బజ్జీలు, సమోసాలు వంటి ఆహార పదార్థాలను వార్తాపత్రికలు, ఇతర ప్రింటెడ్ పేపర్లలో చుట్టి ఇవ్వడం లేదా వాటిపైన వడ్డించడం ఆరోగ్యానికి హానికరమని తెలిపింది. పేపర్‌పై ప్రింటింగ్‌కు వాడే ఇంక్‌లో రసాయనాలతోపాటు సీసం వంటివి కూడా ఉంటాయని వేడి తగలగానే ఆహారానికి అతుక్కుని ఇవి కూడా కడుపులోకి వెళ్లి అనారోగ్యానికి కారణమవుతాయని తెలిపింది. దీనిపై మరింత సమాచారం తెలుసుకునేందుకు వైద్య నిపుణులతో మాట్లాడింది ఇది మన హక్కు. ఇటీవల ఒక వీధి వ్యాపారి ఆహారాన్ని న్యూస్ పేపర్లలో చుట్టి ఇవ్వడాన్ని గుర్తించింది ఎఫ్ఎస్ఎస్ఏ...

  ‘బియాండ్ ది డివైడ్’ ప్రదర్శన, సదస్సును విజయవంతం చేయాలని ఖాజీ మహమ్మద్ ఇస్మాయిల్ నిజామీ పిలుపు గోదావరిఖని హైదరాబాద్ (ఇది మన హక్కు):మతాల మధ్య అపోహలు, విద్వేషాలు, వివక్షను తొలగించి పరస్పర గౌరవం, విశ్వాసం, సామరస్యంతో కూడిన సమాజ నిర్మాణానికి ప్రతి ఒక్కరూ కృషి చేయాలని జమాఅతే ఇస్లామీ హింద్ గోదావరిఖని యూనిట్ ఉపాధ్యక్షులు, టెంరీస్ కౌన్సిలర్, హెచ్‌ఎంఎస్ జాతీయ కార్యదర్శి ఖాజీ మహమ్మద్ ఇస్మాయిల్ నిజామీ పిలుపునిచ్చారు. హైదరాబాద్‌లోని నాంపల్లి ఎగ్జిబిషన్ గ్రౌండ్స్‌లో అక్టోబర్ 30 నుంచి నవంబర్ 1 వరకు నిర్వహించనున్న ‘బియాండ్ ది డివైడ్ – విద్వేషానికి వ్యతిరేకంగా.. సామరస్యం దిశగా’ ప్రదర్శన, సదస్సులో ప్రజలు పెద్ద సంఖ్యలో పాల్గొనాలని ఆయన విజ్ఞప్తి చేశారు. సమాజంలో మత, సామాజిక వైవిధ్యాన్ని గౌరవించడం, పరస్పర సంభాషణ ద్వారా అపోహలను తొలగించడం, భిన్న వర్గాల ప్రజల మధ్య స్నేహభావం, నమ్మకాన్ని పెంపొందించడం ఈ కార్యక్రమ ప్రధాన ఉద్దేశమని పేర్కొన్నారు. చరిత్రను తెలుసుకుంటూ, వర్తమాన పరిస్థితులను అర్థం చేసుకుంటూ ఉమ్మడి భవిష్యత్తు కోసం కలిసి పనిచేయాల్సిన అవసరం ఉందన్నారు. కార్యక్రమ వివరాలు: తేదీలు: అక్టోబర్ 30 నుంచి నవం...

 40 నిర్వాసిత కుటుంబాల పునరావాసానికి స్థలం కేటాయించాలని విజ్ఞప్తి.. సింగరేణి కార్యాలయం, ఉద్యోగుల కాలనీ ఏర్పాటుకూ భూమి కోరిన సీఎండీ సింగరేణి భవన్, అక్టోబర్ 28 (ఇది మన హక్కు): ఒడిశాలోని నైనీ బొగ్గు గని అభివృద్ధి, బొగ్గు రవాణా మార్గాల నిర్మాణం, నిర్వాసితుల పునరావాసం, సింగరేణి థర్మల్ విద్యుత్ కేంద్రం ఏర్పాటుకు అవసరమైన భూముల కేటాయింపులో సహకరించాలని సింగరేణి సంస్థ సీఎండీ డాక్టర్ బుద్ధప్రకాష్ జ్యోతి అంగూల్ జిల్లా కలెక్టర్ మహ్మద్ అబ్దాల్ అక్తార్‌ను కోరారు. సింగరేణి ప్రతిపాదనలకు జిల్లా కలెక్టర్ సానుకూలంగా స్పందించి, అన్ని విధాలా సహకరిస్తామని హామీ ఇచ్చారు. మంగళవారం అంగూల్ జిల్లా కలెక్టర్‌తో సీఎండీ ప్రత్యేకంగా సమావేశమై వివిధ అభివృద్ధి పనులకు అవసరమైన భూసేకరణ, అనుమతులు, పునరావాస చర్యలపై చర్చించారు. 40 నిర్వాసిత కుటుంబాలకు పునరావాసం నైనీ బొగ్గు గని కారణంగా నిర్వాసితులైన 40 కుటుంబాల కోసం పునరావాసం, పునరుద్ధరణ (ఆర్‌ అండ్‌ ఆర్‌) కాలనీ నిర్మాణానికి తగిన స్థలాన్ని కేటాయించాలని సీఎండీ కోరారు. ఆర్‌ అండ్‌ ఆర్‌ ప్యాకేజీ అమలు, కాలనీ నిర్మాణానికి భూసేకరణ, పునరావాస పరిహారానికి సంబంధించిన అంశాలపై నిర్ణయాలు త...

  విద్యార్థుల విద్యాభివృద్ధి, క్రమశిక్షణ, మానసిక ఆరోగ్యంపై ప్రత్యేక అవగాహన గోదావరిఖని, అక్టోబర్ 27 (ఇది మన హక్కు): శాంతినగర్‌లోని టీజీఎంఆర్‌జేసీ (TGMRJC) రామగుండం బాయ్స్–1 కళాశాలలో మంగళవారం ఉదయం 11 గంటలకు ప్రిన్సిపాల్ ముఫ్తీ ముహమ్మద్ ఇర్షాదుల్లా ఖాన్ ఆధ్వర్యంలో తల్లిదండ్రుల సమావేశం నిర్వహించారు. విద్యార్థుల విద్యా ప్రగతి, ప్రవర్తన, క్రమశిక్షణ, మానసిక ఆరోగ్యం, వ్యక్తిత్వ వికాసం తదితర అంశాలపై ఈ సమావేశంలో చర్చించారు. ఈ కార్యక్రమానికి ముఖ్య అతిథిగా టీజీఎంఆర్‌ఈఐఎస్ కౌన్సిలర్ ఖాజీ మహమ్మద్ ఇస్మాయిల్ నిజామీ, గౌరవ అతిథిగా కౌన్సిలర్ శ్రీమతి ఆయిషా సిద్ధిఖీ హాజరయ్యారు. వారు విద్యార్థులు, తల్లిదండ్రులకు కౌన్సెలింగ్ నిర్వహించి, పిల్లల భావోద్వేగ ఆరోగ్యం, తల్లిదండ్రులు–పిల్లల మధ్య సత్సంబంధాలు, సమర్థవంతమైన సంభాషణ ప్రాముఖ్యతను వివరించారు. విద్యార్థులు ఎదుర్కొనే విద్యాపరమైన, వ్యక్తిగత సమస్యలను గుర్తించి పరిష్కరించడంలో తల్లిదండ్రులు సహకరించాలని సూచించారు. పరీక్షల మార్కుల మెమోల పంపిణీ యూనిట్ టెస్ట్–1, యూనిట్ టెస్ట్–2, ఐటీపీ–1 పరీక్షల మార్కుల మెమోలను తల్లిదండ్రులకు అందజేశారు. విద్యార్థుల విద్యా ప్రగతిపై...

 సింగరేణిలో కొన్ని యూనియన్లకే ప్రాధాన్యత ఇవ్వడంపై HMS అభ్యంతరం బి. వెంకన్న, IRTS, ముఖ్య నిఘా అధికారి గారికి HMS విజ్ఞప్తి గోదావరిఖని, అక్టోబర్ 26,(ఇది మన హక్కు): సింగరేణి సంస్థలోని అన్ని ఏరియాల్లో విజిలెన్స్ అవగాహన వారోత్సవాలను నిర్వహిస్తున్న నేపథ్యంలో, ఈ కార్యక్రమాల్లో అన్ని కార్మిక సంఘాలకు సమాన ప్రాధాన్యత కల్పించాలని హింద్ మజ్దూర్ సభ (HMS) కేంద్ర కార్యదర్శి ఖాజీ మహమ్మద్ ఇస్మాయిల్ నిజామీ విజ్ఞప్తి చేశారు. విజిలెన్స్ అవగాహన వారోత్సవాలు కేవలం AITUC యూనియన్‌కే పరిమితమా? లేక సింగరేణిలో గుర్తింపు పొందిన అన్ని కార్మిక సంఘాలకు వర్తిస్తాయా? అని ఆయన ప్రశ్నించారు. కొన్ని డిపార్ట్‌మెంట్లలో AITUC నాయకులను మాత్రమే ఆహ్వానించడం పట్ల అభ్యంతరం వ్యక్తం చేశారు. విజిలెన్స్ వంటి కీలక కార్యక్రమాల్లో అన్ని యూనియన్ల నాయకులకు సమాన అవకాశాలు కల్పించాలని కోరారు. విజిలెన్స్ కార్యక్రమాల ఉద్దేశం నెరవేరాలి అవినీతి నిరోధక అవగాహన కార్యక్రమాలు పారదర్శకంగా, నిష్పక్షపాతంగా జరగాలని HMS నాయకులు పేర్కొన్నారు. కార్మిక సంఘాల మధ్య వివక్షకు తావులేకుండా, అవినీతి నిరోధక చర్యలపై అన్ని సంఘాల నాయకులు, కార్మికులకు అవగాహన కల్పించా...

 రూ.1.90 కోట్లతో ఇంద్రానగర్‌లో వాటర్ ట్యాంక్ నిర్మాణానికి భూమిపూజ.. 6 లక్షల లీటర్ల నీటి నిల్వ సామర్థ్యం, 1,200 గృహాలకు తాగునీటి లక్ష్యం గోదావరిఖని (ఇది మన హక్కు): రామగుండం నియోజకవర్గాన్ని అన్ని రంగాల్లో అభివృద్ధి చేయడమే తన లక్ష్యమని ఎమ్మెల్యే, పెద్దపల్లి జిల్లా కాంగ్రెస్ పార్టీ అధ్యక్షుడు ఎం.ఎస్. రాజ్ ఠాకూర్ అన్నారు. ప్రజలకు మెరుగైన మౌలిక సదుపాయాలు కల్పిస్తూ ప్రతి కాలనీని అభివృద్ధి పథంలో ముందుకు తీసుకెళ్తామని తెలిపారు. రామగుండం నగర మేయర్ మహంకాళి స్వామితో కలిసి సోమవారం 8వ కాలనీ, 19వ డివిజన్ పరిధిలోని ఇంద్రానగర్‌లో రూ.1.90 కోట్ల అంచనా వ్యయంతో నిర్మించనున్న వాటర్ ట్యాంక్‌కు ఎమ్మెల్యే రాజ్ ఠాకూర్ భూమిపూజ చేశారు. 6 లక్షల లీటర్ల నీటి నిల్వ సామర్థ్యంతో నిర్మించనున్న ఈ ట్యాంక్ ద్వారా సుమారు 1,200 గృహాలకు తాగునీటి సదుపాయం కల్పించాలని లక్ష్యంగా పెట్టుకున్నారు. 19వ డివిజన్ కార్పొరేటర్ మారెల్లి సుశీల అధ్యక్షతన కార్యక్రమం జరిగింది. ప్రతి ఇంటికీ స్వచ్ఛమైన తాగునీరు అందించడమే లక్ష్యం ఈ సందర్భంగా ఎమ్మెల్యే రాజ్ ఠాకూర్ మాట్లాడుతూ, తాగునీరు వంటి ప్రాథమిక అవసరాల విషయంలో ప్రజలకు ఇబ్బందులు కలగకుండా చర్య...

 కరీంనగర్, స్టేషన్ ఘన్‌పూర్‌లో మెగా లెదర్ పార్కుల ప్రతిపాదన.. రామగుండంలోనూ లెదర్ ఉత్పత్తుల పరిశ్రమ ఏర్పాటుకు మంత్రి శ్రీధర్ బాబుకు విజ్ఞప్తి హైదరాబాద్ (ఇది మన హక్కు): తెలంగాణలో లెదర్ పరిశ్రమల పునరుద్ధరణకు చర్యలు ప్రారంభం కావడంపై తెలంగాణ లెదర్ ఆర్టిజన్స్ ప్రమోషన్ కోఆపరేటివ్ సొసైటీ జనరల్ సెక్రటరీ మొలుగు రాజు హర్షం వ్యక్తం చేశారు. ఈ దిశగా చొరవ చూపిన ఐటీ, పరిశ్రమల శాఖ మంత్రి దుద్దిళ్ల శ్రీధర్ బాబుకు కృతజ్ఞతలు తెలిపారు. తెలంగాణ స్టేట్ లెదర్ ఆర్టిజన్స్ ప్రమోషన్ కోఆపరేటివ్ సొసైటీ రాష్ట్ర అధ్యక్షుడు డా. ఆరెపల్లి రాజేందర్ ఆధ్వర్యంలో సచివాలయంలో మంత్రి శ్రీధర్ బాబుతో సమావేశం నిర్వహించారు. ఈ సమావేశంలో పరిశ్రమల శాఖ ప్రత్యేక ప్రధాన కార్యదర్శి, పరిశ్రమల శాఖ డైరెక్టర్, సంబంధిత సంస్థల అధికారులు, HANSA, PERFECT సంస్థల ప్రతినిధులతో పాటు ఐదు లెదర్ ట్యానరీ కంపెనీల ప్రతినిధులు పాల్గొన్నారు. మూడు గంటలకు పైగా జరిగిన చర్చల్లో లెదర్ పరిశ్రమల పునరుద్ధరణ, ఆధునిక సాంకేతిక పరిజ్ఞానం వినియోగం, సంప్రదాయ వృత్తిదారులకు ఉపాధి కల్పన వంటి అంశాలపై చర్చించారు. ఆధునిక సాంకేతికతతో సంప్రదాయ వృత్తికి ప్రోత్సాహం దాదాపు రెండు...

  ప్రధాన ఎన్నికల కమిషనర్ జ్ఞానేశ్ కుమార్ రాజీనామా చేయాలి గోదావరిఖని అక్టోబర్ 25 (ఇది మన హక్కు):ధర్నా చౌక్‌ నిరసన కార్యక్రమానికి గోదావరిఖని నుంచి జేఐహెచ్‌, ఎంపీజే, ఎస్‌ఐఓ, ఐవైఎం ఆధ్వర్యంలో బస్సు దేశవ్యాప్తంగా ఓటర్ల జాబితాల ప్రత్యేక సమగ్ర సవరణ (SIR) ప్రక్రియను రద్దు చేయాలని, భారత ప్రధాన ఎన్నికల కమిషనర్‌ జ్ఞానేశ్ కుమార్ రాజీనామా చేయాలని డిమాండ్‌ చేస్తూ హైదరాబాద్‌లోని ఇందిరా పార్క్‌ ధర్నా చౌక్‌లో నిర్వహించే నిరసన కార్యక్రమానికి గోదావరిఖని నుంచి బస్సు ఏర్పాటు చేస్తున్నట్లు జమాతే ఇస్లామీ హింద్‌ (JIH), మూవ్‌మెంట్‌ ఫర్‌ పీస్‌ అండ్‌ జస్టిస్‌ (MPJ), స్టూడెంట్స్‌ ఇస్లామిక్‌ ఆర్గనైజేషన్‌ ఆఫ్‌ ఇండియా (SIO), ఐడియల్‌ యూత్‌ మూవ్‌మెంట్‌ (IYM) ప్రతినిధులు తెలిపారు. ప్రజాస్వామ్య పరిరక్షణ, రాజ్యాంగ విలువల కాపాడటం, ప్రతి అర్హుడైన పౌరుడికి ఓటు హక్కు కల్పించడం లక్ష్యంగా ఈ నిరసన కార్యక్రమం నిర్వహిస్తున్నట్లు పేర్కొన్నారు. ఓటర్ల జాబితా సవరణ ప్రక్రియలో అర్హులైన ఓటర్ల పేర్లు తొలగిపోకుండా తగిన చర్యలు తీసుకోవాలని వారు కోరారు. ఇటీవల హైదరాబాద్‌లోని ట్యాంక్‌బండ్‌ ప్రాంతంలో మానవ హక్కుల, దళిత, రైతు, విద్యార్థి, యువ...

  ఇంద్రాపార్క్ వద్ద అక్టోబర్ 25న ధర్నా.. ఖాజీ మహమ్మద్ ఇస్మాయిల్ నిజామీ పిలుపు గోదావరిఖని అక్టోబర్ 23 (ఇది మన హక్కు): జమాఅత్‌-ఎ-ఇస్లామీ హింద్ గోదావరిఖని యూనిట్ ఉపాధ్యక్షులు, టెమ్రీస్ కౌన్సిలర్, హెచ్‌ఎంఎస్ జాతీయ కార్యదర్శి ఖాజీ మహమ్మద్ ఇస్మాయిల్ నిజామీ రామగుండం మండలం అల్లూరు గ్రామంలోని మస్జిద్‌-ఎ-ఖుబాలో శుక్రవారం జుమా నమాజ్ సందర్భంగా నిర్వహించిన ఖుత్బా కార్యక్రమంలో ప్రసంగించారు. ఈ సందర్భంగా ఆయన మాట్లాడుతూ, ఓటర్ల జాబితా ప్రత్యేక సమగ్ర సవరణ (SIR) పేరుతో దేశవ్యాప్తంగా ఓటర్ల పేర్లను తొలగించే చర్యలకు వ్యతిరేకంగా ప్రజాస్వామ్య పరిరక్షణ కోసం ప్రజలంతా ఐక్యంగా ముందుకు రావాలని పిలుపునిచ్చారు. ఈ నెల 25వ తేదీ, ఆదివారం హైదరాబాద్‌లోని ఇందిరాపార్క్ వద్ద నిర్వహించనున్న ధర్నాకు ప్రజాస్వామ్యవాదులు, ముస్లిం మతపెద్దలు, యువత, విద్యార్థులు, వివిధ ప్రజాసంఘాల ప్రతినిధులు పెద్ద సంఖ్యలో హాజరై కార్యక్రమాన్ని విజయవంతం చేయాలని ఆయన కోరారు. ఓటు హక్కు ప్రజాస్వామ్యానికి పునాది అని, అర్హులైన ఓటర్ల హక్కులకు భంగం కలగకుండా చూడాల్సిన బాధ్యత ప్రతి ఒక్కరిపై ఉందని పేర్కొన్నారు. ప్రజాస్వామ్య హక్కుల పరిరక్షణ కోసం శాంతియుతంగా జ...

  శారదా నగర్‌లో అభివృద్ధి పనుల పరిశీలన.. 30 అడుగుల రహదారి విస్తరణకు ఆదేశాలు రామగుండం (ఇది మన హక్కు): రహదారులకు అడ్డుగా ఉన్న విద్యుత్ స్తంభాలు, ట్రాన్స్‌ఫార్మర్లు, ప్రజలకు ప్రమాదకరంగా మారిన చెట్ల కొమ్మలను వెంటనే తొలగించాలని రామగుండం నగర మేయర్ ఎన్.పి.డి.సి.ఎల్ అధికారులను కోరారు. శుక్రవారం 49వ డివిజన్‌లో జరుగుతున్న వివిధ అభివృద్ధి పనులను ఆయన పరిశీలించి, సంబంధిత అధికారులకు పలు సూచనలు చేశారు. శారదా నగర్‌లో విద్యుత్ స్తంభాలు ఏర్పాటు చేసినప్పటికీ తీగలు అమర్చకపోవడాన్ని గమనించిన మేయర్, ఎన్.పి.డి.సి.ఎల్ అధికారులను పిలిపించి వెంటనే చర్యలు తీసుకోవాలని ఆదేశించారు. విద్యుత్ తీగలపై చెట్ల కొమ్మలు పడకుండా ప్రమాదకరంగా ఉన్న కొమ్మలను తొలగించాలని సూచించారు. రూ.6 కోట్ల అంచనా వ్యయంతో రోడ్డు నిర్మాణ పనులు కార్పొరేట్ సామాజిక బాధ్యత (సీఎస్‌ఆర్‌) నిధులతో సుమారు రూ.6 కోట్ల అంచనా వ్యయంతో చేపట్టిన ప్యాకేజీ పనుల్లో భాగంగా మార్కండేయ కాలనీ ఫైర్ స్టేషన్ పక్క నుంచి శారదా నగర్ వాటర్ ట్యాంక్ ప్రహరీ గోడ వెంబడి మెయిన్ రోడ్డు వరకు జరుగుతున్న రోడ్డు నిర్మాణ పనులను మేయర్ పరిశీలించారు. ప్రభుత్వ ఆసుపత్రికి, ప్రధాన రహదారులకు ...

  నవంబర్ 22న హైదరాబాద్‌లో రాష్ట్ర మహాసభ.. మంచిర్యాలలో క్యాడర్ సమావేశం మంచిర్యాల అక్టోబర్ 21 (ఇది మన హక్కు): ఐడియల్ యూత్ మూవ్‌మెంట్ (IYM) తెలంగాణ రాష్ట్ర మహాసభను విజయవంతం చేయాలని జమాతే ఇస్లామీ హింద్ నాయకులు, కార్యకర్తలు పిలుపునిచ్చారు.  ఈ మహాసభ 2026 నవంబర్ 22వ తేదీ ఆదివారం హైదరాబాద్‌లోని నాంపల్లి ఎగ్జిబిషన్ గ్రౌండ్స్‌లో నిర్వహించనున్న నేపథ్యంలో, కార్యక్రమ విజయవంతానికి సంబంధించి మంచిర్యాలలోని ఇక్బాల్ అహ్మద్ నగర్‌లో ఉన్న జమాతే ఇస్లామీ హింద్ కార్యాలయంలో క్యాడర్ సమావేశం నిర్వహించారు. యువత భాగస్వామ్యంతో మహాసభను విజయవంతం చేయాలి ఈ సమావేశంలో ఎం.ఎన్. బేగ్ జాహిద్ సాహెబ్ కన్వీనర్, కార్యదర్శిగా వ్యవహరిస్తూ ముఖ్య అతిథిగా పాల్గొన్నారు. రాష్ట్ర మహాసభ నిర్వహణ, యువత భాగస్వామ్యం, కార్యకర్తల సమీకరణ, వాలంటీర్ల సహకారం తదితర అంశాలపై చర్చించారు. యువతలో నైతిక విలువలు, క్రమశిక్షణ, సామాజిక బాధ్యతలను పెంపొందించడంతో పాటు నిర్మాణాత్మక కార్యక్రమాల ద్వారా సమాజ అభివృద్ధికి కృషి చేయడంలో ఐవైఎం కీలక పాత్ర పోషిస్తుందని నాయకులు పేర్కొన్నారు. నాయకుల పాల్గొనడం ఈ క్యాడర్ సమావేశంలో పాల్గొన్న నాయకులు: ఎం.ఎన్. బేగ్ జాహి...

 దసరా సంస్కృతిలో పాలపిట్ట విశిష్టత:  తెలంగాణ తలమానికం గోదావరిఖని అక్టోబర్ 20 (ఇది మన హక్కు): అనగానే గుర్తుకు వచ్చే వాటిలో విజయ దశమి వేడుకలతో పాటు పాలపిట్ట దర్శనం అత్యంత పవిత్రమైనది. తెలంగాణ సాంస్కృతిక జీవనంలో, ముఖ్యంగా బతుకమ్మ సంబురాల ముగింపు దశలో వచ్చే దసరా పండుగకు పాలపిట్టకు విడదీయరాని అనుబంధం ఉంది. జమ్మిచెట్టు పూజ - పాలపిట్ట దర్శనం దసరా రోజున (విజయదశమి) తెలుగు ప్రజలు, ముఖ్యంగా తెలంగాణ గ్రామీణ ప్రాంతాల్లో పాలపిట్టను దర్శించుకోవడం ఎంతో శుభప్రదంగా భావిస్తారు. ఉదయాన్నే కొత్త బట్టలు ధరించి, బంధుమిత్రులతో కలిసి ఊరి బయటకు వెళ్లి జమ్మిచెట్టును పూజించి, 'శమీ శమయతే పాపం...' అంటూ ప్రార్థిస్తారు. ఆ సమయంలో ఆకాశంలో లేదా చెట్లపై కనిపించే పాలపిట్టను చూడగానే ప్రజలు సంతోషంతో నమస్కరించి, ఆశీర్వాదంగా భావిస్తారు. తెలంగాణ రాష్ట్ర పక్షిగా గౌరవం తెలంగాణ సంస్కృతి, ఆచారాలకు ప్రతీకగా నిలిచే పాలపిట్టను తెలంగాణ ప్రభుత్వం అధికారిక రాష్ట్ర పక్షిగా ప్రకటించింది. మన రాష్ట్ర సాంస్కృతిక అస్తిత్వానికి, వన్యప్రాణి సంపదకు ఇది ప్రతీక. నమ్మకాలు - ఐతిహాసికాలు  * పాండవుల వనవాసం: మహాభారత కాలంలో పాండవులు అజ్ఞాతవ...

 ప్రజలందరూ బాధ్యతాయుతంగా వ్యవహరించి నీటిని పొదుపు చేయాలని ముహమ్మద్ ఇస్మాయిల్ నిజామీ పిలుపు. గోదావరిఖని అక్టోబర్ 18 (ఇది మన హక్కు): ఎల్ నినో ప్రభావం, ఆశించిన స్థాయిలో వర్షాలు పడకపోవడం మరియు ఎగువ ప్రాంతాల నుంచి ప్రాజెక్టులకు ఇన్ ఫ్లో (వరద నీరు) రాకపోవడంతో తెలంగాణ రాష్ట్రంలో తీవ్ర నీటి ఎద్దడి నెలకొనే సూచనలు కనిపిస్తున్నాయి. గతంలో నిండుకుండలా కళకళలాడిన ప్రధాన రిజర్వాయర్లు ఇప్పుడు ఖాళీ అవుతుండటంతో సాగునీటికే కాకుండా, తాగునీటికి కూడా తీవ్ర ఇబ్బందులు ఎదురయ్యే ప్రమాదం ఏర్పడింది.   తెలంగాణలో మిగిలింది 200 TMCల నీళ్లే! రాష్ట్రవ్యాప్తంగా రిజర్వాయర్లలో నీటి నిల్వలు ప్రమాదకర స్థాయికి పడిపోయాయి. ప్రస్తుతం తెలంగాణలోని ప్రధాన ప్రాజెక్టుల్లో కేవలం 200 టీఎంసీల (TMC) నీరు మాత్రమే అందుబాటులో ఉంది.   ముఖ్యమంత్రి రేవంత్ రెడ్డి ప్రజలను అప్రమత్తం చేస్తూ – "బియ్యం, ఉప్పు, పప్పులు, బెల్లం, చింతపండు, మంచి నూనె వంటి నిత్యావసరాలను డబ్బుతో కొనుగోలు చేయవచ్చు.. కానీ నీటిని మాత్రం కొనలేం" అని పేర్కొన్నారు. డబ్బులు ఉన్నా నీళ్లు దొరకని పరిస్థితి తలెత్తకుండా చూడాలంటే ప్రతి ఒక్కరూ నీటిని పొదుపుగా వ...

సూపర్ ఎల్‌నినో ప్రభావాన్ని ఎదుర్కొనేందుకు ఆరు నెలల కార్యాచరణ ప్రణాళిక.. ప్రత్యామ్నాయ పంటలకు కనీస మద్దతు ధర భరోసా కల్పించాలి కరీంనగర్, అక్టోబర్ 17 (ఇది మన హక్కు): సూపర్ ఎల్‌నినో ప్రభావం నేపథ్యంలో రానున్న వేసవిలో తాగునీటి కొరత తలెత్తకుండా ముందస్తు ప్రణాళికలు రూపొందించాలని ఉమ్మడి కరీంనగర్ జిల్లా ప్రత్యేక అధికారి బెన్హా హుర్ మహేష్ దత్ ఎక్కా అధికారులను ఆదేశించారు. తాగునీటికి అత్యధిక ప్రాధాన్యతనిస్తూ, నీటి లభ్యత తక్కువగా ఉన్న ప్రాంతాల్లో యాసంగి వరి సాగును తగ్గించి, తక్కువ నీటితో పండే ప్రత్యామ్నాయ పంటలను ప్రోత్సహించాలని సూచించారు. కరీంనగర్ సమీకృత జిల్లా కలెక్టరేట్‌లో శనివారం ఉమ్మడి కరీంనగర్ జిల్లా పరిధిలోని నాలుగు జిల్లాల కలెక్టర్లు గరీమ అగర్వాల్, బి. సత్య ప్రసాద్, కోయ శ్రీహర్ష, చిత్ర మిశ్రాలతో కలిసి ప్రత్యేక అధికారి సమీక్ష నిర్వహించారు. వ్యవసాయం, విద్యుత్, సాగునీరు, తాగునీటి సరఫరా, భూగర్భ జలాలు, నీటి సంరక్షణ, ఉపాధి హామీ, మున్సిపాలిటీల్లో అమృత్ పనుల పురోగతిపై అధికారులు ప్రజెంటేషన్లు సమర్పించారు. ఆరు నెలల కార్యాచరణ ప్రణాళిక సిద్ధం చేయాలి సూపర్ ఎల్‌నినో ప్రభావంతో వచ్చే ఏడాది ఎదురయ్యే పరిస్థితుల...