గోదావరిఖనిలో :సెక్రెడ్ హార్ట్ స్కూల్లో ఘనంగా సైన్స్ ఫెయిర్..
గోదావరిఖనిలో :సెక్రెడ్ హార్ట్ స్కూల్లో ఘనంగా సైన్స్ ఫెయిర్..
గోదావరిఖని పట్టణంలోని సెక్రెడ్ హార్ట్ స్కూల్ ప్రాంగణంలో విద్యార్థుల విజ్ఞాన ప్రతిభను వెలికి తీసే లక్ష్యంతో సైన్స్ ఫెయిర్ కార్యక్రమాన్ని ఘనంగా నిర్వహించారు. ఈ కార్యక్రమానికి విద్యాశాఖ అధికారులు, పాఠశాల నిర్వాహకులు హాజరై విద్యార్థులను ప్రోత్సహించారు.ఈ సైన్స్ ఫెయిర్కు ప్రత్యేక అతిథిగా మండల విద్యాశాఖ అధికారి (ఎంఈఓ) జింక మల్లేశం హాజరై, విద్యార్థులు రూపొందించిన సైన్స్ ప్రాజెక్టులను పరిశీలించారు. విద్యార్థుల్లో శాస్త్రీయ ఆలోచన, సృజనాత్మకత పెంపొందించడంలో ఇలాంటి కార్యక్రమాలు ఎంతో దోహదపడతాయని ఆయన తెలిపారు.అలాగే పాలకుర్తి మండల ఎంఈఓ విమల ఈ కార్యక్రమంలో పాల్గొని విద్యార్థులను అభినందించారు. పుస్తకాలకే పరిమితం కాకుండా ప్రయోగాత్మక విద్య ద్వారా విద్యార్థులు భవిష్యత్తులో మంచి శాస్త్రవేత్తలుగా ఎదగాలని ఆకాంక్షించారు.ఈ సందర్భంగా సెంట్ క్లేర్ స్కూల్ హెడ్ మాస్టర్ డొమినిక్ మాట్లాడుతూ, విద్యార్థుల్లో విజ్ఞానశక్తిని పెంపొందించడమే లక్ష్యంగా సైన్స్ ఫెయిర్ను నిర్వహించామని తెలిపారు. విద్యార్థులు చూపిన ప్రతిభ పాఠశాలకే గర్వకారణమని అన్నారు.ఈ సైన్స్ ఫెయిర్లో విద్యార్థులు తయారు చేసిన వివిధ శాస్త్రీయ నమూనాలు, ప్రయోగాలు అందరి మన్ననలు పొందాయి. ఉపాధ్యాయులు, విద్యార్థులు, తల్లిదండ్రులు పెద్ద సంఖ్యలో పాల్గొని కార్యక్రమాన్ని విజయవంతం చేశారు...
కామెంట్లు