నియమ నిబంధనలు ఉల్లంఘిస్తున్న ఓక్లే పాఠశాలపై వెంటనే చర్యలు తీసుకోవాలి – AISF, NSUI

 ఇది మన హక్కు రామగుండం మండల రిపోర్టర్ ✍️

నియమ నిబంధనలు ఉల్లంఘిస్తున్న ఓక్లే పాఠశాలపై వెంటనే చర్యలు తీసుకోవాలి – AISF, NSUI

గోదావరిఖని పారిశ్రామిక ప్రాంతంలో ప్రభుత్వ విద్యా నియమ నిబంధనలు పాటించకుండా కార్యకలాపాలు నిర్వహిస్తున్న ఓక్లే పాఠశాలపై తక్షణ చర్యలు తీసుకోవాలని AISF, NSUI విద్యార్థి సంఘాల నాయకులు పెద్దపల్లి జిల్లా విద్యాధికారి జి. శారద గారికి వినతిపత్రం అందజేశారు.

ఈ సందర్భంగా AISF పెద్దపల్లి జిల్లా కార్యదర్శి రేణుకుంట్ల ప్రీతం, NSUI రాష్ట్ర కార్యదర్శి బైరిమల దుర్గాప్రసాద్ మాట్లాడుతూ రామగుండం మండలం గోదావరిఖని జనగామ శివారులో ఉన్న ఓక్లే పాఠశాల రంగురంగుల కరపత్రాలు, ఫ్లెక్సీలు, ఆర్భాట ప్రచారాలతో ప్రజలను ఆకర్షిస్తూ తప్పుడు సమాచారం ఇస్తోందని ఆరోపించారు. ప్రభుత్వ అనుమతులు, విద్యా ప్రమాణాల విషయంలో అనేక అవకతవకలు జరుగుతున్నాయని, విద్యార్థులు మరియు తల్లిదండ్రులను మోసం చేస్తున్నారని విమర్శించారు.

విద్యా వ్యవస్థను కాపాడేందుకు సంబంధిత అధికారాలు వెంటనే విచారణ జరిపి కఠిన చర్యలు తీసుకోవాలని వారు డిమాండ్ చేశారు. దీనిపై జిల్లా విద్యాధికారి జి. శారద సానుకూలంగా స్పందించి తగిన చర్యలు తీసుకుంటామని హామీ ఇచ్చినట్లు తెలిపారు.

ఈ కార్యక్రమంలో AISF పెద్దపల్లి జిల్లా అధ్యక్షులు ఆర్నకొండ సాయి ఆజాద్, రాజు తదితరులు పాల్గొన్నారు

ఇది మన హక్కు సమాచార పత్రిక✍️