గిన్నిస్ రికార్డ్ సాధించిన కరాటే మాస్టర్ పసునూటి చందు
ఇది మనహక్కు రామగుండం మండల రిపోర్టర్✍️
గిన్నిస్ రికార్డ్ సాధించిన కరాటే మాస్టర్ పసునూటి చందు
పెద్దపల్లి జిల్లా గోదావరిఖని ఫైవ్ ఇంక్లైన్ ప్రాంతానికి చెందిన డ్రాగన్ షోటోకాన్ కరాటే క్లబ్ వ్యవస్థాపకుడు పసునూటి చందు గిన్నిస్ వరల్డ్ రికార్డ్ సాధించారు. ఈనెల 26న హైదరాబాద్ గచ్చిబౌలి ఇండోర్ స్టేడియంలో నిర్వహించిన కటా ప్రోగ్రాంలో పాల్గొని 20 నిమిషాల్లో 40 సార్లు కరాటే కటా ప్రదర్శన చేసి అరుదైన ఘనతను అందుకున్నారు.
సుమారు 2000 మంది పాల్గొన్న ఈ కార్యక్రమంలో చందు ప్రతిభను చాటుకుని గిన్నిస్ బుక్లో స్థానం సంపాదించారు. చిన్నప్పటి నుంచి కరాటేపై ఆసక్తితో నిరంతర సాధన, క్రమశిక్షణ, గురువుల మార్గదర్శకతతో ఈ స్థాయికి చేరుకున్నానని ఆయన తెలిపారు.
ఈ సందర్భంగా ఎస్ఎఫ్కేఐ ఇండియా చీఫ్ రచ్చ శ్రీను బాబు, జిల్లా కరాటే మాస్టర్లు పసునూటి శంకర్, తగరపు శంకర్, కరాటే శ్రీనివాస్, ఒడ్డెపల్లి సురేష్, మంథని నాగరాజు తదితరులు అభినందనలు తెలిపారు.
కామెంట్లు